Compromiso Saudable
Aceites de Oliva de España e Compass Group | Scolarest son dous referentes na alimentación saudable do noso país. Levan anos traballando para fomentar hábitos saudables dende a infancia, impulsando entre as familias recomendacións e programas de nutrición para mellorar o seu benestar e a súa calidade de vida
Unha iniciativa innovadora e sen ánimo de lucro para divulgar, formar e ofrecer contidos que che axuden a adquirir hábitos de alimentación saudables e sostibles, tanto co ambiente, como coa túa economía familiar. A alianza entre ambas entidades propiciou que, en todos os centros educativos nos que Scolarest presta os seus servizos, se cociñe 100 % con aceites de oliva. Todo un fito que pon de relevo o compromiso do sector dos aceites de oliva e de Scolarest para crear hábitos de vida saudables nos nosos nenos e mozos por medio dunha alimentación saudable e de calidade.
COMPROMISO COAS FAMILIAS: ensinar a alimentarse todos os días, para todas as idades, para toda a familia e cos aceites de oliva como alimento diferencial.
O sector do aceite de oliva, a través da Organización Interprofesional del Aceite de Oliva Español, leva máis dunha década promocionando o alimento que abandeira a marca España en todo o mundo. Para facelo, creou Aceites de Oliva de España, paraugas baixo o que educa aos consumidores sobre os nosos aceites por medio de campañas de promoción que buscan mellorar o seu coñecemento sobre este alimento único, os seus usos e as súas bondades, así como mellorar o posicionamento do sector, tanto en territorio nacional como no resto de mercados. E, sobre todo, consolidar a imaxe de España como líder mundial en calidade, produción e comercialización de aceites de oliva. Ademais, a Interprofesional é o principal motor de innovación dentro do sector, grazas ao impulso de programas de I+D+i destinados a lograr avances nos campos da agronomía, a tecnoloxía alimentaria, a nutrición e a saúde. Nese sentido, non hai que esquecer que o aceite de oliva é un dos piares da dieta mediterránea, declarada Patrimonio Inmaterial da Humanidade pola Unesco. De feito, os consumidores de todo o mundo (exportamos a máis de 170 países) buscan nos nosos aceites un extra de benestar nun mundo no que comer san é cada vez máis importante.
Compass Group España é a empresa líder no sector da restauración colectiva, con máis de 50 anos de historia. Ten como propósito traballar cada día para influír positivamente na vida dos demais a través da alimentación. Pertence á multinacional británica Compass Group, con presenza en 43 países e un dos dez maiores empleadores privados do mundo. Desenvolve a súa actividade a través de diferentes marcas especializadas: Eurest, dedicada á restauración a empresas e industria; Scolarest, que ofrece servizos gastronómicos en centros educativos; Medirest, alimentación hospitalaria e usuarios senior e social; Vitarest, que alimenta a domicilio aos nosos adultos maiores; Vilaplana, catering para eventos corporativos, deportivos e particulares; Seral, servizos de alimentación, e Gow, córneres gastronómicos.
Scolarest é o referente da alimentación saudable no ambiente educativo. É a liña de negocio dedicada á alimentación de toda a comunidade educativa en 700 centros educativos de toda España. Está formado por equipos de profesionais que traballan baixo unha premisa común: xerar un impacto positivo nos nenos e nenas, o futuro da nosa sociedade. Con todos os proxectos e iniciativas que pon en marcha, contribúe a favorecer o benestar das familias a través da alimentación, creando un estilo de vida feliz, san e seguro.